Saoghal Gàidhlig aig Janni

Dùbhlachd dubh

2006-12-07T14:32:00.000+01:00

Abair droch shìde! Tha i stoirmeil agus fliuch, no bog-fhliuch agus dorch fad na h-ùine. Ach 's e oidhche bhrèagha a bh' ann a-raoir. Bha a' ghealach làn agus chòisich mi dhan chlas Ghearmailtis agam ann an solas na gealaich. Cha robh feum agam air solas eile idir. Co-dhiù, tha an taigh agam a' fàs blàth a-nis agus tha e uabhasach comhfhurtail. Bidh an teine ('s e Bruce an t-ainm a tha air) a' gabhail gu sunndach leis a' ghaoith sin. Rinn mi aran Gearmailteach a bhon-dè agus nì mi mòran còcaireachd. Bha mi ag ionndrainn sin nuair a bha mi a' fuireach aig a' cholaiste.
Tha obair ùr agam cuideachd. tha mi ag obair an an ionad-fhàilte na colaiste a-nis. Uill, seo leth-sgeul. Bidh mi ann dà latha na seachdaine agus 3 làithean sa chidsin fhathast. Ach chì sinn dè thachras. Is dòcha gum bidh mi ann làn-ùine a dh'aithgheàrr.

Taigh ùr

2006-11-22T16:07:00.000+01:00

Tha taigh ùr agam a-nis anns an Eilean Sgitheanach. Bha mi a' fuireach aig SMO gu ruige seo ach fhuair mi taigh air mhàl anns a' Chille Mhòir a-nis. 'S e taigh tradaisteanta a th' ann le teine gual. Tha e gu math fuar ach tha sinn a' fàs cleachdte ris agus a' fàs nas fheàrr air teine a dhèanamh. Tha mi a' fuireach còmhla ri tè òg às a' Ghearmailt agus bidh i daonnan fuar. Ach tha an taigh a' còrdadh rinn glè mhath agus 's urrainn dhuinn coiseachd dhan cholaiste. Tha gàrradh againn cuideachd agus cuiridh mi lusan agus dìtheannan as t-samhradh gu cinnteach. Tha mi air fiodh a chruinneachadh mar thà ach tha e ro fhliuch arson an teine an-dràsta. Feumaidh sinn dealbhan a thogail dhen taigh fhathast.

Gleann Comhainn

2006-06-13T20:22:00.000+02:00

Bha mi ann an Gleann Comhainn aig an deireadh-sheachdaine airson coiseachd agus sreap. Chaidh mi còmhla ri Rob mo charaid agus dh'fhuirich sinn air làrach-campaidh ann an Ceann Loch Leabhainn. Disathairne dh'eirich sinn glè thrath oir bha sinn air dùsgadh co-dhiù, agus chaidh sinn do Bhuachaille Eite Mòr agus choisich sinn agus sreap sinn (gun ropa) suas bhon Tuath. 's e latha brèagha a bh'ann agus bha a' ghrian a' dearsadh gu teth. Chuir mi mòran òla grèine orm agus cha d'fhuair mi donn idir. Ghabh sinn biadh air "Crowberry Tower" agus chaidh sinn don mhullach. Bu toil leam na munros a dhèanamh agus mar sin thàinig oirnn dol air adhart dhan mhullach eile. Bha sin gu math fada air falbh agus bha sinn searbh sgith nuair a ràinig sinn e. Chaidh sinn sios tron ghleann, ghabh sinn bath anns an abhainn agus dh'òl sinn bhon bhurn oir bha sinn glè thioram. Bha sinn a' faireachdainn mòran na b'fheàrr as dèidh sin, mar air ar n-ath-nuadhachadh. Nuair a ràinig sinn an càr, thog mi dealbhan de'n bheinn agus dhraibh sinn dhan Ghearasdan airson iasg agus sliseagan. Fhuair sinn àite campaidh uabhasach àlainn ann an Gleann Nibhis, ri taobh an uillt ann an coirre nam beann, le beagan chraobhan agus bha gaoth gu leòr ann airson na cuilleagan a chumail air falbh. Bha sinn nar n-aonar ann an oidhche shàmhach, chiùin.

Dhuisg sinn mu leth uair an dèidh 8 Didomhnaich agus bha sinn glè ghoirt bhon latha roimhe.Bha Rob ag iarraidh sreap goirid furasda a dhèanamh airson fàs cleachdte ris an stuth (ropa amsaa). B'fheàrr leam-sa sealladh nuair a bhithinn a' sreap agus bha i cho brèagha a-rithist, grianach agus teth. Mar sin choisich sinn suas Beinn Nibhis gu Lochan bheag agus an uairsin mu'n cuairt gu taobh tuath na beinne.. Thoisich sinn sreap Tower Ridge. Gu mi-fhortanach cha robh mi cleachdte ris an stuth idir agus bha sinn uabhasach slaodach. Thàinig oirnn tionndadh agus coiseachd dhan mhullach seach a bhith a' sreap. Gu mi-fhortanach dhìochuimhnich sinn a h-uile biadh againn anns a' chàr ach 4 ubhlan agus aon DoubleDecker. Bha sinn a' fàs beagan lag ach bha Rob ag iarraidh dol don mhullach. Bha mise coma, munro ann no às. Bha mi losgte leis a' ghrèin cuideachd oir dhìochuimhnich mi òla-grèine a chur air mo ghulain an latha roimhe agus bha mo chasan dearg cuideachd. Bha i uabhasach cruaidh dol don mhullach ach rinn sinn an gnothach mu dheireadh thall agus bha sealladh air leth brèagha againn. Cha robh ceò sam bith ann, bha an adhar cho soilleir sa ghabhas. Thog mi tòr dhealbhan agus chaidh sinn sios air rathad an luchd-turais. Bha sinn uabhasach sgith agus lag, bha mo chasan agus mi ghulain goirt leis a' ghrèin, bha mo ghliun goirt bhon choiseachd agus bha mo chasan goirt oir bha bòcain a' fàs orra. Bha mi a' smaoineachadh air biadh fad na h-ùine agus nuair a ràinig sinn an càr mu dheiradh thall dh'ith sinn gach nì a bh'againn. Càise, aran dubh Gearmailteach, aran coirce, càise bog le lusan, raisins, còthan, teoclaid...

Dhràibh sinn air ais gu socair, sgìth agus sgìth agus sgìth. Gu mi-fhortanach bha tubaist le feidh againn air an rathad anns an Eilean Sgitheanach. Chuir sin faileas dona air an deireadh-sheachdaine a bha gu ruige sin dìreach sgoinneil. A-nis tha mi a' faireachdain uabhasach duilich airson na feidhe agus tha mi feargach oir tha e daor an càr a chàradh :(

Anns a' Chuiltheann

2006-04-30T15:04:00.000+02:00

Bha latha mìorbhaileach agam an-dè a-rithist. Dh'fhalbh Rob is mi fhèin ron bhracaist oifigeach agus dhràibh sinn do Ghleann Bhreatail, tha sin ri taobh a' Chuiltheinn. Thòisich sinn coiseachd mu càirteal as dèidh 10, suas air rathad math gu math fada. Chan eil mi uabhasach measail air toiseach slighe sam bith. Tha toiseach toiseachaidh cho uabhasach cruaidh agus chan eil e inntinneach nas motha. 'S fheàrr leam coiseachd air druim na beinne no sreap air creagan doirbha. Shreap sinn tro Coirre a' Ghrunnda agus chòrd sin rium glan. 'S e creagan a bh'annta le beagan coiseachd agus beagan sreap. Mar sin cha robh sin cho dona idir. Bha e a' coimhead coltach ris a' ghealaich le burn a' ruith sìos air na creagan tro mheadhan na glinne. 'S e meadhan latha a bh'ann air m'uaireadair nuair a ràinig sinn Loch Coire a' Ghrunnda mu 800m os cionn na mara far an do thòisich sinn. Bha mi beagan lag agus sgith agus ghabh sinn fois fhada aig an loch bheag a bh'ann. Ghabh sinn ceapair agus bha sinn nar laighe anns a' ghrèin airson greis. Bha an t-àite uabhasach trang agus mhothaich mi gur e deireadh-seachdain fada a bh'ann agus mar sin bha a h-uile Sasanach anns na beanntan. 'S e latha brèagha a bh'ann agus bha a' ghrian a' dearrsadh gu teth. Shiubhail sgoth beag no dha tro Choire a' Ghrunnda ach cha do chuir sin dragh sam bith oirnn.

Shreap sinn air adhart tro na creagan gu Sgurr Sgumain, a chiad mullach a ràinig sinn anns a' Chuiltheann. Bha sealladh mìorbhaileach againn timcheall air na beanntan. Ghabh sinn beagan fois agus shreap sinn sios agus suas a-rithist air Sgurr Alasdair. Sin am mullach as àirde anns a' Chuiltheann. Thàinig oirnn sreap air pìos goirid a bha gu math cas agus rud beag doirbh, ach bha e gasta. Tha gaol agam air fìor shreap. Thog mi tòrr dhealbhan den druim air fad a' Chuiltheinn agus cha b'urrainn an latha a bhith na b' fheàrr. Shiubhail ceò tana seachad agus nochd "broken-spectra". Chan fhaca mi a-riamh rud cho àraid ri sin.

Chuala sinn fuaim chlachan agus guthan a thàinig bho na daoine a bha a' dol sìos air an Great Stone Chute. Chan e ach bruthach mòr sgàirde/sgàirnich mòr a th'ann. Tha e eadar Sgurr Alasdair agus Sgurr Thearlaich. Bha Rob ag iarraidh dol sìos ach cha robh e ach 2 uair air m'uaireadair agus chòrd an latha rium cho glan nach robh mi ag iarraidh na beanntan fhàgail fhathast. Chaidh sinn sios gun bhealach sin ach shreap sinn suas a-rithist gu Sgurr Thearlaich. Bha sin doirbh oir ghabh sinn an "rathad" dìreach a bha glè chas agus bu mhath leam ropa. Ach bha mi gu math proiseil nuair a rinn mi e. Cha b'urrainn dhuinn dol air adhart gu Sgurr Mhic Choinnich oir bha sinn feumach air ropa airson sin. Mar sin shreap sin air ais (Cha toil leam sreap sios, tha sin doirbh oir chan fhaic mi càit an tèid mi). Agus mu dheireadh thall thill sinn dhan Great Stone Chute. Chaidh sinn sios anns an t-sneachda oir bha mi a' smaoineachadh gun robh sin beagan na b'fhasa na air an sgàirneach. Thuit mi bho àm gu àm ach bha mi choma oir bha spòrs mòr agam. Bha e coltach ri sgìtheadh air sneachd no clachan. Bha an stuth gu leàir a' gluasadh le bruthach (abwärts) comhla rium. Thàinig oirnn bhith faiceallach nach do thilg sinn na clachan air a cheile. Uaireigin cha b'urrainn dhuinn stad idir. Abair spòrs. Nuair a ràinig sinn Coire an Lochain (no rud mar sin) laugh sinn sios air creag mòr a bha cruinn agus caoin bhon linn-eighe. dh'ol sinn agus ghlan sinn ar aghaidh anns an loch agus dh'ith sinn pios teòclaid. Bha sinn ann gu math fada, dìreach a' gabhail tleachd às a' ghrèin (?) Cha robh i uabhasach fada a-nis agus cha robh i ach leth uair as dèidh 3. Choisich sinn gu math luath air an rathad coiseachd air ais dhan làrach-campaidh ri taobh a' chladaich ann an Gleann Bhreatail. Bha sinn air ais aig 4 uairean (bha mi a' smaoinechadh gun robh i beagan neònach. Bha solas an fheasgair a' coimhead mar 7 uairean no rud mar sin, bha na daoine a' dèanamh BBQ ri taobh an teantaichean....) uill agus bha i 8 uairean, agus m'uaireadair fada ceàrr fad na h-ùine ;-)

Ràinig sinn a' cholaiste aig leth uair an dèidh 9, cha robh dìnear snog a' feitheamh oirnn an turas seo, chuir mi lioft dhachaidh do Rob, oir bha esan sgìth cuideachd. Agus an diugh chan urrainn dhomh cnàimh a ghluasad. Tha m'aodainn dearg leis a' ghrèin agus tha mi goirt. Ach 's e an latha anns na beanntan a b'fheàrr leam a bh'ann cho fad's a tha mi air a bhith a' coiseachd anns na beanntan. Tha mi cho sunndach :)

Coiseachd anns na Beanntan Dearga a' Chuiltheinn

2006-04-23T22:01:00.001+02:00

Abair latha a-rithist! Chunnaic mi air fo-shealladh na sìde gum biodh latha brèagha againn an-diugh. Nuair a dhuisg mi ruith mi sios an rathad airson Rob fhaighinn agus dh'fhaighnich mi an tèid e dhan na beanntan comhla rium. Dhràibh sinn do Shlìgeachan agus choisich sinn tro Gleann Slìgeachan airson greis. Bha i uabhasach fluich ach bha a' ghrian a' dearrsach gu blath. Choisich sinn seachad air Beinn Dhearg ged a bha sinn ag iarrraidh a sreap. Ach cha robh slighe ri faicinn. Thòisich sinn sreap mun cuairt agus suas Chiche na Beinne Deirge gus an do ràinig sinn am Mullach. Bha beagan bidh againn aig bealach beag eadair dà mhullach gus am bidh ar neart air ais airson an ath mhullaich. Bha e gu math cas ach snog agus nuair a ràinig sinn Beinn Dearg Mheadhonach bha sealladh brèagha againn air a' Chuiltheannn dhubh agus dhearg agus air na gleanntan agus a' mhuir mun cuairt. Ach cha robh sinn ann cho fada oir bha Beinn Dearg Mhòr romhainn agus bha i cho brèagha gun robh sinn ag iarraidh dol ann cho luath agus a ghabhas. Bha e gasda dol sios. Bha an t-slighe gasda agus furasda. Bhruidhinn sinn mu dheidhinn chànanachas air ar rathad suas :-) Sin dithis glic a' coiseachd comhla ;-) Bha e gu math cruaith dol suas a-rithist oir bha Beinn Dearg Mhòr gu math cas. Ach bha e gasta nuair a ràinig sinn am mullach. Bha sealladh air leth àlainn againn agus thog mi mòran dhealbhan air a' mhullach. Shuidh sinn sios air creag agus bha sgòn le ìm agus silidh agam agus ùgh seòclaid. Tha gaol agam air biadh air mullach beinne. Uill chunnaic sinn gun robh Glamaid, a' bheinn a bha dùil againn ri sreap an toiseach, gu math fada air falbh agus uabhasach àrd cuideachd agus cha robh an t-aonach a' leanntainn dhan bheinn sin idir. Bha sinn air coiseachd airson cuid uairean mar thà, mar sin chaidh sinn sios air sgaird cas gu Beallach na Sgairde. Bha e uabhasach cas ach bha spòrs mòr againn a bhith a' sgìtheadh sios air a' sgaird Choisich sinn air ais air taobh Ghlamaig air feur, fraoch agus ri taobh abhainn bhrèagha. Thog mi dealbh mìorbhallach de'n Chuiltheann agus an abhainn ann an solus feasgair. Ràinig sinn mo chàr aig leth uair an dèidh 6 agus bha sinn gu math sgith ach uabhasach sunndach. Agus aig a' colaiste bha dìnear a' feitheamh oirnn anns a' frids. Bha cupa tì le bainne agus siucair (cha ghabh mi siucair mar as àbhaist) agus ar dìnear gasta againn. Bha latha cho àraidh againn gu dearbh :-)

Slèite

Sgeulachd coiseachd

2006-04-23T22:01:00.000+02:00

Bha mi a' coiseachd a-rithist an-raoir. Bha mi uabhasach leisg agus chan fhaca mi gu leth uair an dèidh 7 gu bheil i a' fàs soilleir agus tioram taobh a-muigh. Dhraibh mi sios dhan Aird agus bha mi a' coiseachd gu math luath oir bha i cho anmoch mar thà. Ruith mi beagan aig amannan agus bha mi glè thoilichte a bhith taobh. Bha an talmh glè fhliuch. Thuirt mi feasgar math ris na bà agus na caoraich le an uain a bha a ruith agus a' leum mu'n cuairt agus chunnaic mi mu shia feidh. Bha òran Gàidhlig a' cluich nam cheann agus dh'fhàs mi nas ciùine. Bha mi rud beag troimhe cheile, a' smaoineachadh cus agus bha na smaoinntean a' siubhail mun cuairt agus mun cuairt nam cheann. Cha do stad sin ach dh'fhàs mi nas ciùine agus bha mi glè shona a bhith leam fhìn anns an tìr cho brèagha agus cho sàmhach. Cha robh ach crònan an uillt agus seidseadh na gaoithe ri (an) cluinntinn. Bha mi fhathast a' coiseachd gu math luath ged a ràinig mi am frith-rathad beag agus bog. Cha do ràinig mi an cnoc mu dheireadh ann an Slèite far an tèid mi cho tric airson dol-fodha na grèine fhaicinn. Dh'fhalbh a' ghrian anns a' cheò os cionn na mara agus bha solas blath air an tìr air fad. Bha sgothan beaga dearga os mo chionn. Shuidh mi sios air creag le sealladh brèagha air a' Chuiltheann agus air taobh eile an cladach beag geal as toil leam cho mòr. Bha mi nam shuidhe an sin airson greis ag èisteachd ris a' ghaoith agus na tonnan agus bha mi a' faireachdainn air mo dhòigh leam fhìn. Air an rathad air ais choisich mi beagan mun cuairt a lorg rathad sios dhan traigh. Ach tha na creagan gu math cas agus bha i fluich agus mi nam aonar.... ach fhuair mi slighe bheag mu dheiradh thall, choisich mi dhan mhuir. Chòrd e rium gu mòr gun robh mi leam fhìn leis a' ghainmhich agus crònan nan tonn. Thàinig tonn mòr agus chuir e a ghairdean timcheall air mo chasan agus bha gaol cho mòr aige air mo chasan gun tàinig e nam bhrog. Bha mo bhòg làn uisge ach bha mi coma. Bha mi dìreach cho toilichte. Dh'fhàs e dorch agus thàinig orm tilleadh. Ràinig mi an slighe mòr trath gu leòr agus choisich mi air ais dhan chàr airson leth uair a thìde leis an oidhche a' nochdadh. Dh'fhàs e gu math dorch ach bha an slighe ri faicinn ceart gu leòr. Thill mi aig 10 uairean. Abair oidhche!

Tapadh leibh airson sin a leughadh.
Beannachd leibh

Slèite

Coiseachd ann an Slèite

2006-04-08T16:50:00.000+02:00

Abair latha brèagha a th'ann an seo an-diugh! Bha mi ag obair bho 8 gu leth uair as dèidh 10 agus feumaidh mi tilleadh aig 4. Ach bha ùine gu leòr agam beagan a choiseachd. Tha i grianach an-diugh agus chan eil i ro fhuar. Dhraibh mi sìos gu Aird airson coiseachd do Rubha Shlèite. Thàinig Rob comhla rium. Tha esan ag obair anns a' chidsin cuideachd agus tha deagh Ghàidhlig aige. 's toil leam gu mòr e co-dhiù. Choisich sinn sios don traigh bhig le gainmheach geal agus uisge uaine-ghorm. Thog mi mu dheich dealbhan agus bha sinn nar suidhe air clach airson greiseig.An uairson bha sinn a' sreap air adhart air na creagana dh'ionnsaidh (??) an taigh-sholais. Chòrd sin rium glan oir tha mi uabhasach measail air sreap. 's fheàrr leam sreap na coiseachd (??) Nuair a ràinig sinn an taigh-solais shuidh sinn sìos air na creagan agus bha sinn a' coimhead air a' mhuir agus air na h-eileanan Eigg agus Ruma. Tha an t-sneachda fhathast air na beanntan agus tha sin a' coimhead air leth brèagha leis a' mhuir ghorm. Bu mhath leam fuireach an-sin airson ùine beagan nas fhaide ach gu mi-fhortanach feumaidh mi tilleadh dhan obair. Thàinig sinn air ais dìreach trath gu leòr airson cupa tì agus beagan fois a ghabhail.

Le deagh dhùrachdan agus gaol
bho Shlèite

Caraidean

2006-04-08T11:54:00.000+02:00

Tha mi ag obair cus an-dràsta. Bha latha dheth agam Disathairne agus tha mi air a bhith ag obair bho Dhidomhnaich agus bidh mi fhathast ag obair gu Diciadainn gun latha dheth. Ach an uairsin thèid mi air saor-làithean dhan na Hearadh agus a Leòdhas.

Tha e gu tùr eadar-dhealaichte an seo a-nis oir tha na h-oileanaich air falbh agus tha cùrsaichean goirid ann. Bidh mi a' bruidhinn ri Alasdair à Leòdhas gu tric oir tha Gàidhlig uabhasach brèagha aige. Thachair mi ri dithis as aithne dhomh bhon bhòrd-bhrath eadar-naiseanta, Niall Beag agus Cam. Ach bidh an ath sheachdain fiu 's nas fheàrr. Thàinig Ruairidh an-dè agus ghabh sinn dìnnear comhla. Chaidh sinn dhan taigh-sheinnse comhla a-raoir. Thig Judith agus Silke cuideachd agus thig Inge Didomhnaich. Tha mi a' dèanamh fiughair ris a h-uile duine fhaicinn a-rithist.

Blath Bheinn ?

2006-04-01T19:49:00.000+02:00

'S e latha dheth agam a bh'ann an-diugh agus chan bhi latha dheth agam a-maireach. Mar sin bha mi a' smaoineachadh: feumaidh mi rudeigin snog a dhèanamh gum bi an latha a' faireachdan nas fhaide. 's toil leam coiseachd anns na beanntan àrda gu mòr agus tha càr ùr agam a-nis. Mar sin shaoil mi gun tèid mi airson coiseachd. Aig àm na bracaiste thuirt Kirsten, tè de na h-oileanaich, gum bu toil leatha dol comhla rium. Cha robh mi cinnteach an robh dha-rìreamh, oir 's e a chiad latha den Ghiblean a th'ann agus tha cuid dhaoine ag radh rudan craicte. Co-dhiu, nochd i gu dearbh air aon uair deug agus dhraibh sinn air rathad Ealagol. Thoisich sinn coiseachd agus cha robh an t-sìde snog idir. Bha na sgothan anns na beanntan agus bha dùil again sreap air Blabheinn. Tha an t-slìghe gu math mòr agus chan eil trioblaid sam bith ann a lorg (as dèidh beagan trioblaid an toiseach bhon làrach pàrcaidh ;-) Bha mòran uisge anns an allt ri taobh na slìghe agus bha e doirbh faighinn tarsainn. Nuair a ràinig sin lochan beag far an toisich an sreap thachair sinn ri dithis fear´agus lean sinn iad suas. Bha an t-sìde a' fàs nas miosa agus chaidh sinn suas ann an sgoth. Cha b'urrainn dhuinn faicinn idir càite an rachamaid. Ghabh sinn beagan fois, biadh agus uisge agus chaidh an dithis eile air adhart. Mu dheireadh thall thill ar neart agus b'urrainn dhuinn coiseachd air adhart. Cha robh sinn làn neart idir oir cha robh sinn air a bhith air beinn ceart airson mìosan no bliadhnaichean. Uill, bha an dithist air falbh agus dh'fheuch sinn an ceumanan a leantain ach bha sin doirbh. Bha beagan sneachda air a' bheinn agus ceò tiùgh. Cha robh càil a dh'fhios againn càite an rachadamaid. 'S lugha orm dol air ais gun a'mhullach a ruigsin. Ach gu fòrtanach bha mi air a' mhullach sin roimhe. Mar sin cha robh e cho uabhasach cudthromach dhomh. Cha robh sgeul air an dithis eile agus bha sinn beagan air chall. Mu dheireadh thall thionndaidh sinn. Bha sinn fuar agus fluich co-dhiu agus cha robh e coltach gun ruigeamaid am mullach co-dhiu. Air an t-slìghe sios bhruidhinn sinn mu dheidhinn fhrasan tetha agus cupanan tì. Ràinig sinn abhainn a bha doirbh ri faighinn tarsainn. Cha mhòr nach do thuit mi innte. Ach bha mi fluich co-dhiu. Nuair a ràinig sinn an Ath Leathann cheannaich mi peatrol agus gu nàdurrach, nuair a ràinig sinn an t-Sabhal Mhòr, ghabh mi fras teth fada agus cupa tì. Tha an adhar soilleir a-nis, tha a' ghrian a' deàrsadh agus tha mi cinnteach gu bheil am mullach ud gun sgoth a-nis.

càr ùr

2006-03-31T23:03:00.000+02:00

Tha càr ùr agam agus tha mo cho pròiseil :-)Cheannaich mi e ann an Cumbria oir tha caraid agam a' reic chàraichean agus fhuair mi deagh bhargain. 's e Ford KA a th'ann agus chan eil e ach 3 bliadhna a dh'aois. Tha e dubh-ghorm, an dath as fheàrr leam. Tha e beag agus luath.

Chaidh mi sios do Shasain Oidhche Haoine comhla ri Caoimhin bhon cholaiste. Bha latha snog agam ann an Cumbria Disathairtne agus cheannaich mi an càr Didomhnaich. Cha robh mi cleachdte idir ri draibheadh ann an càr le stìuradh làimh dheas. Bha agam ri beagan practice fhaighinn an toiseach agus bha mi uabhasach faisg air iomall an rathadh gu tric ach dh'fhàs mi cleachdte ris an dràibheadh gu luath. Chaidh mi suas seachad air Cathair Luail agus chaidh mi do Phenicuik. Bha mi a' fuireach ann am Penicuik cuid bliadhnaichean air ais agus bha mi ag iarraidh tadhail air daoine ann a shin. Bha iad cho laghach agus crìdheil dhomh agus bha mi a' faireachdainn mar nach biodh mi air bhith air falbh idir. Dh'fhuirich mi anns na Pùballan (Peebles) airson na h-oidhche oir tha caraidean laghach agam an-sin cuideachd.

An latha na màireach bha cabhag orm oir bha mi ag obair aig 3 uairean feasgar anns an Eilean Sgitheanach. Cha do dh'fhalbh mi gu leth uair as dèidh 9 agus as dèidh domh stad airson na butha mòire faisg air Penicuik bha i leth uair as dèidh 10 agus dhraibh mi gu luath airson a bhith air ais aig 3 airson na h-obrach. Chòrd an cuairt rium glan oir tha na beanntan cho brèagha air an t-slighe gun Tuath. Gu mi-fhortanach bhris mo s..... (windscreen wipers) agus bha mi glè fheargach o chionn's gun d'fhuair mi an càr dìreach an latha roimhe. Uill agus chan fhaca mi dad. Bha sin air leth dona oir bha mi ann an cabhag. Bha mi a' draibheadh mar amadain ach bha e spòrseil gu leòr :-) Ràinig mi an Sabhal Mòr aig 5 mionaidean as dèidh 3.

Bha mi anns a' gharaids ann am Port Rìgh an-diugh agus tha na s..... ag obrachadh a-rithist.

Callanish Stoned

2006-03-16T23:49:00.000+01:00

Chunnaic mi cleas (??) a-nochd aig an t-Sabhal Mhòr. Bha buidhean cluiche à Leòdhas an-seo agus chluich iad "Callanish Stoned" Tha e a' cluich ann an Leòdhas agus tha e mu dheidhinn òigridh an eilein. Tha na daoine a' cluich uabhasach math gu dearbh. Bu toigh leam gu h-àraidh a' mhàthair a rinn ùrnaighean gu Dia fad na h-ùine. Chuir e iongnadh dhomh ciamar a rinn i sin cho math, cho làidir agus cho èibhinn gun ghàire a dhèanamh. Bu toigh leam an dòigh bruidhinn aice cuideachd. Uabhasach math dha rìreamh!

Mar sin, ma tha Callanish Stoned a' tighinn don bhaile agaibh, rachaibh ann! Tha e dìreach sgoineil!

breisleach càir

2006-03-11T16:54:00.000+01:00

Chan eil a h-uile rud cho math. Bha càr agam gu ruige seo. Ach thàinig mo phiuthair às a' Ghearmailt airson a thoirt dhachaidh leatha. Bha dùil agam gum faigh mi càr eile. Tha caraid aig caraid agam a' reic càraichean ann an Sasainn a Tuath agus bha deagh chàr aige dhomh. Mar sin bha dùil agam siubhal comhla ri mo phiuthair do Dhun Eideann agus bhiodh ise a' gabhail am bàt-aiseag dhachaidh agus mise a' siubhal sios a Shasainn. Deagh bheachd, nach e? Ach cha tig cuisean mar a thogras sinn. Cha robh an càr math mu dheireadh thall agus thuirt mo charaid nach fhaigh mi e agus gum feuch e càr eile fhaighinn dhomh. Fhuair e càr ach bha e dearg agus bha e a' smaoineachadh nach toigh leam dearg. Ach tha mi coma mu'n dath! Ach a-nis tha an càr air reic. Cha d'fhuair e càr eile gu an-diugh agus thàinig air mo phiuthair falbh airson am bàt-aiseag fhaighinn. Tha 4 làithean dheth agam a-nis ach chan eil càr ann ri fhaighinn. :-( Nuair a bhios càr aige mu dheireadh thall feumaidh mi 3 làithean eile a ghabhail agus chan eil mi cho toilichte mu dheidhinn sin oir cha bhi an ceann-àrd toilichte iidr :-(

Coiseachd anns an Eilean

2006-03-10T22:35:00.000+01:00

Tha fios agaibh, tha mi a' fuireach ann an Slèite anns an Eilean Sgitheanach a-nis. Tha mo phiuthair an-seo an-dràsda agus chaidh sinn air cuairt air an eilean an-diugh. Dhraibh sinn suas dhan Chuithearaing agus choisich sin bhon àite pàircidh anns an Cuithearaing tro na beanntan (no dè th'annta) gu'n rathad eadar Flodaidhgaraidh agus Stafainn. Tha an t-slìghe gu math soilleir agus furasda ri coiseachd. Ach chaidh sinn rud beag air chall aon turas nuair a dh'fhàg sinn e o chionn's nach robh e cho uabhasach soilleir agus shreap sinn suas air creagan. Bha e spòrsail gu leòr ach thàinig oirnn dol air ais. Bha an t-sìde glè mhath cuideachd. Bha i grianach agus blath. Thog sinn cuid dhealbhan, ach chan eil iad agam fhathast. Choisich sinn an-sin mu 2 uair a thìde agus an uairsin air ais air an rathad. Bha sinn fortanach agus fhuair sinn lioft air ais dhan chàr airson dà mhìle. Thuirt Mona gum bu chòir dhomh coiseachd ann agus bha e brèagha gu dearbh. 's toigh leam na creagan is beanntan a tha ann o chionn 's gu bheil cruth iongantach aca uile. Tha mi cinnteach gu bheil sidhichean a' fuireach ann cuideachd.

Dùrachdan à Slèite

2006-01-23T17:18:00.000+01:00

Tha mi a' fuireach ann an Slèite a-nis. Tha mi a' fuireach comhla ri ban-charaid ann an Kilmore agus bidh obair agam aig an t-Sabhal Mhòr. Bha turas fada agam. Chaidh mi bho Chologne gu Zeebrugge an 18mh Faoillteach agus ghabh mi an aiseag aig 6 uairean feasgar. Ràinig mi Dun Eideann aig aon uair deug an ath latha agus dhraibh mi suas tron Ghaidhealtachd dhan Eilean Sgitheanach. Bha mi aig dà cheilidh mar thà agus thèid mi dhan choisir Ghàidhlig comhla ri Ùna a-nochd. Tha mi cho sunndach a bhith a' fuireach an-seo agus tha mi cinnteach gun còrd sin rium an-seo. Bhiodh e snog coinneachadh ri cuid dhiubh uaireigin.

Chì mi sibh

Gluasadh a dh'Alba

2006-01-11T01:47:00.000+01:00

Tha mi cho trang na làiithean seo. Bha mi air saor-làithean anns an Fhionnlainn airson seachdainn. Cha robh dad sam bith a' tachairt an-siud ach nuair a thill mi dhachaidh thoisich an cabhag.

Thèid mi a dh'Alba an ath sheachdainn (tha mi a' fuireach anns a' Ghearmailt an-dràsda) agus chan eil dùil agam tilleadh. Tha mi air a bhith ag iarraidh sin a dhèanamh airson bhliadhnaichean ach bha agam ri dhol dhan oilthigh airson cuid bhliadhnaichean an toiseach. Tha mi deiseil a-nis agus tha mi deiseil airson falbh. Tha mi deònach a dhol ach a-nis, seachdainn mus dh'fhalbhas (???) mi tha mi a' faireachdainn neònach. Tha mi a' fàgail a h-uile caraid, mo theaghlach agus a h-uile sian. Tha fios agam gum faic mi cuid dhaibh a-rithist ann an Alba no anns a' Ghearmailt, ach tha fios agam cuideachd gu bheil mòran ann nach fhaic mi a-rithist a chaoidh tuilleadh

Uill agus tha mi ag iarraidh fuireach anns na h-eileanan siar o chionn's gu bheil mi ag iarraidh Gàidhlig timcheal orm. Ach chan eil mi eòlach air duine sam bith ann. Cha bhi sin furasda. Chan eil obair no taigh agam fhathast agus chì mi am faigh mi na dhà.

(Bu toigh leam ceartachadh airson na sgrìobh mi)

Cuidichibh mi! Blog grod.

2005-12-24T22:43:00.000+01:00

Rinn mi rudan ùr air a' bhlog agam agus 's toigh leam na dàthan a-nis. Ach carson a tha "Mu mo dheidhinn" agus na ceanglaichean fo na blogaichean ach chan eil ri an taobh? Tha sin a' coimhead uabhasach! Cuidichibh mi!

dathan ùra is gnothaichean ùra

2005-12-24T12:21:00.000+01:00

Oh, bha mi cho leisg. Thachair mòran 'sna seachdainean sa chaidh ach bha mi ro leisg sin a sgrìobhadh sios an-seo.
An toiseach bha mi ann am Mallorca airson seachdainn. Cha robh i cho blath ('s ann an Sabhain a bha sin!) ach ghabh mi mòran fois agus shreap mi air cuid bheann. Chòrd an t-eilean rium gu mòr. Bha mi ann an àite glè shnàmhach san tuath an eilein far nach eil mòran daoine co-dhiù. Bu lugha orm Palma agus na h-àiteachan mu'n cuairt ged tha.
An uairsin bha mi anns an Eilbheis airson 6 làithean. Bha mi ann an Zurich a' taghal ri ban-charaid agus an uairsin ann am baile beag anns an Jura aig piuthair m'athar. Ghabh mi mòran fois an-diud o chionn's nach robh dad ann ri dhèanamh. Leugh mi mòran agus choimhead mi air filmichean.
Nuair a thill mi dhachaidh chunnaic mi gu bheil an Nollaig a' tighinn gu luath agus thoisich mi tiodhlagan a cheannachd. Cha toigh leam sin idir idir. 'S toigh leam craobh na Nollaige ged tha agus tha mi toilichte gu bheil an teaghlach gu lèir an-seo a-nis.
Thoisich mi am blog agam atharrachadh beag air bheag ach chan eil mi toilichte fhathast. Tha mi a' smaoineachadh gu bheil làrach-lìn àbhaisteach mòran nas fhasa ri thogail na blogaichean.
Uill feumaidh mi sgioblachadh is glanadh a-nis o chionn's gu bheil daoine a' tighinn an-diugh agus feumaidh mi paipear a chùr mun cuairt nan tiodhlagan fhathast.
Nollaig chridheil dhuibh uile agus tha mi'n dòchas gum bidh fèis sitheil is spòrsail agaibh.

deiseil leis an oithigh

2005-11-18T23:03:00.000+01:00

Tha mi deiseil. Bha an deuchainn mu dheireadh agam Diciadann an dèidh 6 bliadhna aig an oilthigh. Bha am bliadhna a chaidh uabhasach cruadh agus cha do rinn mi ach ionnsachadh. Agus tha mi deiseil is saor a-nis. Tha "Staatsexamen" agam agus chan fheum mi dhol air ais don oilthigh a chaoidh.
Thoisich mi Beurla is spòrs ionnsachadh as t-fhoghar 1999. Bha mi ann an Alba bho 2001 gu 2002 agus rinn mi 3 semesters an uairsin. An dèidh sin thoisich mi obair airson nan deuchainnean mu dheiradh agus dissertation. Rinn mi deuchainnean ann an spòrs agus pedagogy anns an earrach am bliadhna agus Beurla as t-fhoghar. Mar sin tha mi toilichte gu bheil a h-uile rud crìochnaichte a-nis.
Cha dèan mi dad sam bith a-nis. Choinnich mi ri caraidean an-dè airson cèilidh agus chaidh sinn dhan taigh-dhealbh. Bha mi airson "Wallace & Gromit" fhaicinn airson cuid seachdainnean ach cha robh ùine agam idir. Agus a-nis 's urrainn dhomh a h-uile rud a leughadh a bha mi ag iarraidh seach leabhraichean foghluim an oilthighe. Thèid mi a Mhallorca comhla ri ban-charaid bhon oilthigh Didomhnaich agus air saor làithean anns an Eilbheis anns an Dubhlachd. Tha mi cho toilichte. Chan fheum mi ionnsachadh a-nis, 's urrainn dhomh dèanamh na thogras mi :-)

Slèite is na cait

2005-11-13T06:14:00.000+01:00

A charaidean,
Tha mi uabhasach brònach an-diugh. Bha cat brèagha, milis, òg agus àlainn agam. Cha robh i ach 8 miosan a dh'aois. Bha i gu math cridheil agus bu toigh leatha gu mòr cadal nam leabaidh. Dh'falbh i gach oidhche airson cadal air a' chathair agus thill i 'sa mhadainn nuair a thoisich an radio agam a chluich airson dùisgeadh. An uairsin bha i na laighe air mo bhroinn no ri taobh mo chinn agus bha an dithis againn sunndach. Bha i gu math fiathaich cuideachd. Bu toigh leatha blàr a dhèanamh comhla rium agus bha mo làmhan daonnan goirt de na fiaclan agus spògan biorrach aice. Ach bu toigh leam sin ann an dòigh agus bha gaol uabhasach mòr agam oirre. Bha i aig an taigh gu tric agus bha àm fiathaich aice gach latha nuair a bha sinn ag ithe.

Ruith i tro'n t-seòmar gu luath, ann is air ais, leum i air a h-uile rud agus mhill i na flùraichean mo mhàthar. Ach cha b'fheudar telebhisean nuair a bha i ann. Bha gu leòr ann airson coimhead is gàireachdainn.

Bha i air leth milis madainn Diardaoin. Bha i san leabaidh m'athar an-toiseach agus thàing i dhan leabaidh agam-sa an uairsin. Cha robh i ag iarraidh falbh idir agus rinn i crònan gu làidir. Bu mhath leam feitheamh san leabaidh fad na maidne ach bha agam ri ionnsachadh agus dh'èirich mi. Bha mi aig an oilthigh agus nuair a bha mi airson biadh a thoirt gu Svea aig 6 uairean, cha robh i ann. 'S abhaist dha feitheamh airson bìdh aig 5 uairean agus bha e gu math neònach nach robh i ri faicinn. Uill, thèid cait air falbh airson cuid uairean bho àm gu àm agus bha i air falbh airson dà latha roimhe. Ach cha do nochd i nas motha an ath mhadainn agus thoisich sin dragh a chur oirnn. Cha robh mi ag iarraidh smaoineachadh dè thachradh ach cha do chadail mi gu math air an oidhche idir. Madainn an-diugh, nuair nach robh i air ais fhathast, rinn mi sanais le dealbh airson a chur air gach àite anns an t-sràid againn. 's dòcha gun do thug cuideigin leotha i agus tha i na suidhe air an sofa aca gu sunndach a-nis... Ach nuair a dh'fhaighnich mo mhàthair de na nàbaidhean thàinig e a-mach: chaidh a marbhadh le càr Diardaoin.

Tha mi cho brònach agus cho truagh. Bha gaol cho mòr agam oirre agus cha robh i ach òg. Bha i gu math gòrach fad na h-ùine. Bha i daonnan na suidhe air an t-sràid agus cha robh i a' gluasadh nuair a thàinig car. Cha do leig sinn a-mach i air taobh na sràide ach b'fhaodar i dhol a-mach 'sa ghàrradh agus an uairsin chaidh i dhan t-sràid co-dhiù. Chan eil i againn fhathast a-nis. Thuirt an nàbaidh gun do thug am boireannach sa chàr leatha i agus bha i glè dhuilich.

Bha cat againn roimhpe agus chaidh a marbhadh le càr cuideachd nuair a bha i 2 bhliadhna a dh'aois. Bha cat eile againn roimhpe a chaochail an dèigh sia bliadhna deug. Bha e beagan nas glice.

Agus a-nis, tha sinn gun chat a-rithist agus chall mi ban-charaid chridheil.

smuaintean as t-fhoghar

2005-10-18T17:55:00.000+02:00

A Chairdean,
Tha mi toilichte gun leugh sibh an sgudal agam. Mar sin sgrìobhaidh mi barrachd sgudail air ur son ;-)

Tha mi cho toilichte gu bheil am foghar cho brèagha am bliadhna. Chan eil dealbhan agam ach tha na craobhan mar òr agus tha deagh thìde againn gach latha. Thachair rudeigin uabhasach dhomh Latha na Sàbaid ach tha am foghar seo gam chuideachadh nach fairich mi cho dona.

Obh, agus bu choir dhomh ionnsachadh fad an latha o chionn's gum bidh deuchainn cudhromach agam ann an 4 seachdainnean. Ach tha mi ro leisg. Feumaidh mi sgeulachdan victorianach agus bàrdachd ùr Albannach ionnsachadh agus cha toigh leam litreachas idir. Uill chan eil bàrdachd dona idir ach chan eil mi ag iarraidh mòran a leughadh mu dheidhinn nan dàn ach dìreach na dàn fhèin. Tha mi a'déanamh cànanachas cuideachd agus tha sin inntinneach ach tha mi seachd sgith de gach nì ceangailte ri oilthigh is mar sin chaneil mi ag iarraidh dad sam bith ionnsachadh ach Gàidhlig. Agus bu toigh leam harry Potter a leughadh seach sgeulachdan victorianach. Chan eil na sgeulachdan cho dona ach tha eagal orm nach urrainn dhomh mòran a radh mu an deidhinn anns an deuchainn.

Mòran taing airson an sgudal seo a leughadh. Faodaidh sibh ceartachadh a thoirt dhomh cuideachd ;)

Blogair ùr

2005-10-05T21:05:00.000+02:00

Seallaibh, tha blog agam a-nis cuideachd. Cha robh fios agam dè th'ann am blog seachdainn air ais agus a-nis tha mi ann. Chan eil càil a dh'fhios agam co aig a tha ùidh an sgudal agam a leugahdh ach tha e snog cothrom eile fhaighinn sgrìobhadh 'sa Ghàidhlig.

Tha mi'n dòchas beachdan a leughadh an-seo cuideachd.
Chì mi sibh